Bakı, 1 noyabr, Sporaz.tv
“Real Madrid“-in ulduzu Arda Güler üçün diqqətçəkən xəbər yazılıb. Sözügedən xəbərdə Arda Gülerin niyə müntəzəm oynamaq şansının olmaması ilə bağlı diqqətçəkən bir detaldan söz açılıb.
Sporaz.tv məlumat verir ki, “Fenerbahçe“(Fənərbaxça)-dən “Real”-a transfer olunan Arda Güler, ötən mövsümdən sonra 2024-25-ci illərdə gözlədiyi oyun müddətini hələ də ala bilməyib.
“The Athletic”-dən Guillermo Rai, Rai Arda Güler haqqında diqqətçəkən xəbər yayıb. Xəbərdə “Real Madrid” azarkeşlərinin, xüsusən də sosial mediada Arda Gülerə daha çox oyun şansı vermək üçün Ancelottiyə təzyiq etdiyi qeyd edilib.
Digər tərəfdən Arda Gülerin müntəzəm oynamaq şansının olmamasından şikayət etmədiyi və vaxtının gələcəyinə inandığı diqqətə çatdırılıb.
Xəbərdə məşqçilər qrupundan adının çəkilməsini istəməyən mənbəyə əsaslanaraq, Mbappe və Viniciusun ilk 11-də birlikdə olduğu üçün Arda Gülerin, oynamaq şansının olmadığı vurğulanıb.
Ön sahədə Mbappe və Viniciusa üstünlük verilsə və Arda Gülerin ilk 11-də start alacağı təqdirdə texniki heyətin, komandanın tarazlığının pozulacağından narahat olduğu vurğulanıb.
“Real Madrid”-də Bellinqham, Camavinga, Tchouameni, Mbappe ve Viniciusun toxunulmaz olduğu və bu vəziyyətin Arda Gülerin oynamasını çətinləşdirdiyi bildirilib.
Bununla belə, Rodrigonun zədələnməsinin, Arda Gülerin qarşıdakı həftələrdə daha çox oyun vaxtı qazanacağı anlamına gəldiyi qeyd edilib.
Avropanın elit klublarının Arda Gülerlə maraqlandığı, lakin klub və futbolçunun hələlik belə bir variantı nəzərdən keçirmədiyi bildirilib.
