Bakı, 30 sentyabr, Sporaz.tv
“Atletico Madrid“-də çıxış edən 33 yaşlı hücumçu Antoine Griezmann, Fransa millisindən ayrıldığını açıqlayıb.
Sporaz.tv məlumat verir ki, Fransa Milli Komandası ilə 137 matçda forma geyinən Antoine Griezmann, vida qərarını rəsmən açıqlayıb.
Griezmann sosial media hesabından verdiyi açıqlamada: “Həyatımın bu fəslini xatirələrlə dolu bir ürəklə bağlayıram. Bu möhtəşəm üçrəngli macəra üçün təşəkkür edirəm, tezliklə görüşərik”- deyib.
Antoine Griezmann, Fransa Milli Komandası ilə 137 oyuna çıxıb və 44 qol vurub. 33 yaşlı futbolçu, Fransa Milli Komandası ilə 2018-ci ildə Dünya Çempionatının və 2021-ci ildə UEFA Millətlər Liqasının qalibi olub. 2016-cı ildə Fransada ilin futbolçusu seçilən Griezmann 19 yaşadək futbolçulardan ibarət Fransa Milli Komandası ilə də Avropa Çempionatının qalibi olub.
