Bakı, 22 oktyabr, Sporaz.tv
“Real Madrid”-in baş məşqçisi Carlo Ancelottinin “Celta Vigo” matçında Arda Gülerə oyunda yer verməməsi gündəmdə qalır. İspaniya mətbuatı, italyan məşqçinin “Celta Vigo” matçında futbolçu seçimi ilə Arda Gülerə daha bir zərbə vurduğunu bildirib.
Sporaz.tv məlumat verir ki, İspaniyada “Real Madrid”-in “Celta Vigo”-nu səfərdə 2:1 hesabı ilə məğlub etdiyi matçda Arda Gülerin oyun müddətində az qalması danışılmağa davam edir.
İspaniya mətbuatı, Ancelottinin matçda zədədən yeni dönən Ceballosu əvəzləyərək Arda Gülerə daha bir zərbə vurduğunu bildirib.
Ancelottinin zədədən yeni dönən oyunçunun yerinə belə Arda Güleri seçməməsi özünə inamsızlıq kimi qiymətləndirilib.
Arda Gülerin qol və ya ötürmə verə bilməməsi və müdafiədəki çatışmazlıqlarının şans tapa bilməməsində təsirli olduğu iddia edilib.
Xəbərdə Arda Gülər üçün: “O, heç vaxt gəlməyəcək bir fürsəti səbirlə gözləməyə davam edəcək” -deyilir.
Arda Güler bu mövsüm “Real Madrid”-də 10 matçda forma geyinib. Ümumilikdə 291 dəqiqə meydanda qalan 19 yaşlı futbolçu, nə qol vura bildi, nə də məhsuldar ötürmə.
