Bakı, 5 iyul, Sporaz.tv
Trendyol Superliqasının 37-ci həftəsində baş tutan Galatasaray–Fenerbahçe derbisindən sonra baş verənlərlə bağlı aparılan istintaq çərçivəsində Fenerbahçe Klubunun prezidenti Ali Koç və İdarə Heyətinin üzvü Selahəttin Baki “şübhəli” olaraq ifadə verməyə çağırılıb.
Mayın 19-da keçirilən “Galatasaray” – “Fenerbahçe ” matçından sonra stadionun meneceri Ali Çelikkıranın döyüldüyü hadisələrlə bağlı İstanbul Baş Prokurorluğunun istintaqı davam edir.
İstintaq çərçivəsində Ali Koç və Selahəttin Baki “şübhəli” şəxs qismində ifadə verməyə çağırılıb.
Bildirilib ki, Koç və Baki ifadələri üçün Çağlayandakı İstanbul Ədliyyəsinə gəliblər.
Trendyol Superliqasının 37-ci həftəsində RAMS Parkda oynanılan Galatasaray-Fenerbahçe derbisindən sonra stadionun idarəçisi Ali Çelikkıranın döyüldüyü hadisələrlə bağlı İstanbul Respublika Prokurorluğu tərəfindən istintaq başladılıb.
İstintaq çərçivəsində Fenerbahçe Klubunun həkimi Ertuğrul Karanlıq, Fenerbahçenin köhnə idarəçisi Hulusi Belgü və baş məşqçi İsmayıl Kartalın oğlu Emre Kartal ifadə verib.
İstanbul Ədliyyəsinə gələn və Mətbuat Cinayətləri İstintaq Bürosunda ifadələri alınan 3 şübhəli, məhkəmə nəzarəti tələbi ilə Sülh Cəza Hakimliyinə sövq edildi. Şübhəlilər barəsində xaricə çıxışına qadağa qoyulması və ayda iki dəfə polis bölməsində imza atması şəklində məhkəmə nəzarəti tədbirləri görülüb.
