Bakı, 5 iyul, Sporaz.tv
AVRO-2024-dəki çıxışı ilə ondan sonra gələn klubları valeh edən Ferdi Kadıoğlunun ən ciddi talibi “Borussia Dortmund“dur. Almaniya komandasının milli futbolçu üçün 20 milyon avroluq təklifini yeniləməyə qərar verdiyi və bunun bu rəqəmi keçəcəyi iddia edilib. “Borussia Dortmund”un transfer təklifi 22,5 milyon avronu keçərsə, Ferdi Kadıoğlu Superliqadan transfer edilən ən bahalı yerli futbolçu olacaq.
“Fenerbahçe“də keçirdiyi mövsümlə Avropa nəhənglərini arxasınca salan Ferdi Kadıoğlu üçün “Borussia Dortmund”un inadkarlığı davam edir.
Almaniya yığması milli futbolçunun AVRO 2024-dəki çıxışını görəndən sonra “sarı-göylülər”ə ilk təklifini yeniləmək qərarına gəlib.
“Borussia Dortmund” Ferdi Kadıoğlu üçün etdiyi 20 milyon avroluq təklifi keçməyi planlaşdırır.
Alman komandası yeni təklifi “Fenerbahçe”nin qəbul edəcəyi təqdirdə Ferdi Kadıoğlunu razı salmağa çalışacaq. Əgər transfer 22,5 milyon avrodan çox qiymətlə reallaşarsa, Ferdi Kadıoğlu Superliqadan transfer edilən ən bahalı yerli futbolçu olacaq.
24 yaşlı futbolçu ilə “Arsenal” və “Napoli” də maraqlanır.
Ferdi Kadıoğlu ötən mövsüm “Fenerbahçe”nin heyətində 51 oyun keçirib. Türk futbolçu bu matçlarda 4324 dəqiqə meydanda olub və 3 qol vurub, 5 məhsuldar ötürmə edib.
Bahar Rüstəm
